Mimi Kodheli gjatë një takimi që ka patur me strukturat e Ushtrisë, që u nisën sot në operacionin e NATO-s në detin Egje, ka paralelizuar ngjarjet e marsit të vitit 1997 me ngjarjen e Gërdecit, 9 vite më parë. Gjatë fjalimit, ministrja e Mbrojtes ka thënë se përgjegjës për këto ngjarje është Berisha dhe babëzia e tij për të mbrojtur pushtetin.
“Marsi i vitit 1997 shkërmoqi plotësisht strukturat tona ushtarake, sipas një skenari të qartë dashakeqës për të mbrojtur me çdo kusht pushtetin e ndonjë individi, i cili urdhëroi makabritete që asnjë udhëheqës europian nuk ia ka bërë vendit të tij. E prapë, në marsin e vitit 2008, po e njëjta klikë hodhi në erë një fshat të tërë, duke shkaktuar 26 të vdekur, nga babëzia për të përfituar nga arsenali ushtarak. I kemi sot mes nesh, të angazhuar që të pengojnë reformën në drejtësi”, deklaroi Kodheli.
